Entrevista de Matías a Bruno sobre a pesca

Entrevista elaborada no ámbito lingüístico

ENTREVISTAS DISPARATADAS NA RADIO. Aquí pregúntase todo!

 A través de preguntas divertidas e disparatadas afondamos no coñecemento das nosas compañeiras e compañeiros ao tempo que nos divertimos na radio!

OUTES NEWS

 O alumnado do 3º ciclo está a crear un xornal dixital no que podedes informarvos, disfrutar de recensións literarias e escoitar os seus podcasts sobre temas variados. 

IMPRESIONANTE TRABALLO COMPAÑEIRAS!

Premede na imaxe para acceder a Outes News!

Entrevista a Artur Puga

Levamos uns cantos días cun convidado de luxo polo @ceip_outes como parte dun proxecto de radio que afonda na tradición oral e na súa transmisión a través das nosas maiores. 

Artur Puga é percusionista, bailador, profesor itinerante en @seisporoito.gal e a persoa que está detrás de @venebaila, un proxecto que convida a experimentar e achegarse ao baile tradicional e que dende hoxe temos no noso patio como unha oportunidade máis de ocio. 

Grazas Artur por achegarte e compartir uns días connosco e achegarnos máis o baile tradicional ao noso día a día. Agora poderemos bailar moitas das coplas que as nosas veciñas e veciños teñen na súa memoria. E tamén moitas grazas por pasarte pola nosa radio e concedernos unha entrevista que moi pronto compartiremos con toda a comunidade.

POEMAS ENCADEADOS. DÍA DA POESÍA 2026

Improvisación poética a partir de versos de Antonio García Teijeiro.

ROSALÍA CONTEMPORÁNEA, A NOSA ROSALÍA

Empregamos os versos da nosa poeta Rosalía de Castro para xerar novas creacións persoais.

RAPEA OS TEUS MEDOS

 Poñemos ritmo aos nosos medos para encaralos e superalos polo Samaín.... 

PREPARADAS PARA ESCOITAR?

ENTREVISTA A UXÍA E TXELO DA ASOCIACIÓN DEPORTIVA ESTEIRANA DE REMO

 A Asociación Deportiva Esteirana de Remo, concretamente Uxía e Txelo, achegaron este deporte e as actividades da súa asociación ao noso cole.

O alumnado do 3º ciclo tivo ademais a oportunidade de entrevistalas na nosa radio. 

Produtos audiovisuais e memorias de traballo do proxecto "Temos raíces, temos ás. O RÍO TINS"

 Ao longo deste curso levouse a cabo o PDI "Temos raíces, temos ás. O rio Tins" no que se abordaron moitos aspectos relacionados.

Deixamos nesta entrada o ENLACE Á MEMORIA DE TRABALLO DAS DISTINTAS COMISIÓNS, na que podedes ver tanto as temáticas abordadas como todo o proceso de traballo levado a cabo para a resolución das distintas problemáticas que cada unha abordaba.

Resultado de algunhas desas comisións son os seguintes produtos audiovisuais que tamén vos deixamos para que poidades disfrutalos en familia.

DOCUMENTAL "Temos raíces, temos ás. O RÍO TINS"

VIDEO "Plantas invasoras do río Tins"

Video Comisión de concienciación da Comisión de Recollida e Tratamento do lixo

Anuncio de concienciación para a recollida de excrementos no paseo do río Tins

Agardamos que os disfrutedes!

VISITA DE ANGÉLICA SÁTIRO. FILOSOFÍA LÚDICA

Fin de semana moi especial na nosa escola. Tivemos a incrible oportunidade de contar coa presenza de Angélica Sátiro, unha verdadeira inspiración no mundo da educación. Angélica compartiu a súa sabedoría e paixón en varias sesións, realizando unhas sesións de Filosofía Lúdica  co noso alumnado de infantil e primaria que remataron en filuinstalacións. 

Ademais, o alumnado reporteiro realizoulle unha entrevista na radio que foi simplemente marabillosa.

A formación centrouse en temas tan profundos como a infancia das marxes, o empoderamento da infancia e o amor como bálsamo educativo. Estes temas fixéronnos reflexionar, emocionarnos e, sobre todo, motiváronnos a seguir construíndo unha contorna educativa reflexiva chea de amor e respecto.

Pola tarde do venres e o sábado pola mañá, o profesorado tamén tivo o privilexio de participar nunha formación que foi tan interesante como divertida e emotiva. A formación con Angélica resultou inspiradora enchéndonos de novas ideas para levar ás nosas aulas.

Queremos agradecer a Angélica Sátiro polo seu tempo e dedicación. Tamén, un enorme agradecemento ao Centro de Filosofía para Nenos e Nenas de Galicia por facer posible esta formación coa súa colaboración.

Estes momentos son os que nos lembran por que amamos tanto o que facemos. Sigamos empoderando aos nosos nenos e nenas con amor e filosofía! 💫❤️📚

#angelicasatiro #filosofialudica  #filupeques #CentroFpNGalicia #EducaciónConAmor #FilosofíaParaNiños #EmpoderamientoInfantil #EducaciónEmocional #AmorEnLaEducación

POESÍA DAS MULLERES DAS NOSAS LETRAS GALEGAS

 O alumnado de 4º Ed Primaria ofrécennos unhas lecturas da obra das únicas mulleres ás que se lle adicou o Día das Letras Galegas ao longo da historia. 

Escoitaremos a Rosalía de Castro, Francisca Herrera, María Mariño, María Victoria Moreno e Xela Arias e Luisa Villalta. DISFRUTÁDEAS!

LETRAS GALEGAS 2024 - LUISA VILLALTA. RECURSOS

 Deixámosvos varios recursos para achegarvos á interesante figura homenaxeada nas Letras Galegas 2024: LUÍSA VILLALTA. Unha muller  intelectual, escritora, activista política, cultural e medioambiental, articulista, tradutora, profesora, filóloga e violinista á que merece pena achegarse.

ENLACE A PRIMAVERA DAS LETRAS 2024. MATERIAIS DA REAL ACADEMIA GALEGA

Entrevista a Lulú (Lucía Insua), mestra en prácticas no noso centro

 Estes meses contamos con Lulú como mestra en prácticas nas aulas de Infantil. Foi un gustazo contar con ela e agora que segue o seu camiño fóra do centro aproveitamos para facerlle unha entrevista sobre a súa elección profesional e a súa estancia no centro. 

Grazas por todo Lulú!