SEGUIMOS DE CELEBRACIÓN CON 2 NOVOS RECOÑECEMENTOS!

É de novo moi grato para nós comunicarvos que recibimos dous novos recoñecementos de Bibliotecas Escolares de Galicia. 

Por un lado, unha vez valoradas as candidaturas presentadas, fomos un dos 4 centros seleccionados de toda Galicia aos que se lle concedeu o “Selo de Biblioteca Escolar Solidaria”. Este selo é un distintivo de calidade en termos de traballo solidario e a favor da comunidade escolar. 

O centro recibirá o selo, un diploma acreditativo e unha asignación de 1500€ que deberá ser destinada “a actividades da biblioteca escolar con implicación das familias, no contexto dos obxectivos da Axenda 2030 da ONU, de desenvolvemento sustentable”.

Por outra parte, fomos tamén un dos 10 centros seleccionados das 62 memorias presentadas, do programa “Voluntariado de lectura-A”, grazas ao traballo dos colaboradores na biblioteca e nas “lecturas solidarias”. 

Neste caso recibimos 600€ de dotación para un obradoiro co alumnado colaborador que terá lugar os próximos días con Paola Guimeráns. 

Todos estes recoñecementos veñen a dar respaldo ao traballo realizado por toda a comunidade e revertirá na mellora da calidade educativa do centro. 

Queda moito por facer, pero ilusión e ganas non nos faltan! 

Seguimos!