NADAL NO CEIP DE OUTES!

 Xa que as medidas sanitarias non nos permitiron pasearnos como quixeramos polo cole, imos a facer ese paseo de xeito virtual. 

QUE O DISFRUTEDES!

e... BO NADAL!

CALENDARIOS ANUAIS A TONO CO PDI

Pois si, este ano os nenos e nenas inspiráronse nas temáticas que están a abordar para facer os deseños dos calendarios. Quedaron ben chulos e algún leva mensaxes ben importantes!

25 NOVEMBRO. DÍA CONTRA A VIOLENCIA DE XÉNERO

Varias foron as propostas para visibilizar un ano máis a loita contra a violencia machista e a procura da igualdade de dereitos real e efectiva. 

En primeiro lugar, e a proposta do equipo de Convivencia, centramos a mirada na análise das letras das cancións que escoitan habitualmente. 

Un exemplo desas análises foi a comparativa na canción Hawai da versión orixinal de Maluma coa versión dende outra perspectiva de Beatriz Luengo que resultou do máis interesante. 

Ademais, cada clase foi convidada a escribir distintos lemas sobre o tema, que xuntos conforman unha instalación reivindicativa na entrada do centro. 

LECTURAS

Podedes dispoñer de estas lecturas online que vos deixaremos tamén no apartado de biblioteca virtual para que poidades disfrutar delas cando vos apeteza. 

 

PARA ACCEDER PREMEDE NA IMAXE E DESPOIS NO PDF PINCHADE NAS PORTADAS

CURTAS

E tamén vos deixamos un enlace a un taboleiro en Pinterest con material audiovisual en colaboración co Equipo de Convivencia do cole. 

PREMEDE NA IMAXE PARA ACCEDER

PORQUE NO NOSO COLE NON DEIXAMOS ENTRAR O MACHISMO 

NIN NA COCIÑA!!

CEIP DE OUTES

ESPAZO LIBRE DE VIOLENCIA DE XÉNERO

OBXECTIVOS AXENDA 2030 da ONU

aos que contribúe esta iniciativa

20 NOVEMBRO. DÍA DOS DEREITOS DAS NENAS E OS NENOS

Polo 20 de Novembro, Día dos Dereitos das Nenas e dos Nenos, o equipo de Extraescolares propúxonos unha reflexión por aulas acerca de un dos dereitos, que recolleron de forma conxunta no vídeo que vos deixamos a continuación. 

Ademais, porque teñen dereito falar, ser escoitadas, comprendidas, dereito a participar e opinar sobre aquilo que lles afecta, aproveitouse esta data tamén para a celebración da 2ª reunión do Consello Escolar da Infancia, como fantástica e xenuína forma de reivindicar este importante día. 

Polo cumplimento universal 

dos Dereitos da Infancia!

ESTREA D@S COLABORADORAS E COLABORADORES

 Este é un ano complexo, no que como sabedes decidimos pechar o espazo físico da biblioteca. Esta decisión tomouse por dous motivos: o primeiro garantizar a máxima seguridade sanitaria a nivel de centro, pero tamén é certo, que aproveitando a circunstancia, abordaremos a recolocación e mellora do espazo para que cando poidamos empregalo sexa un espazo o máis cómodo, acolledor e práctico posible. 

A pesar de pechar o espazo físico, a biblioteca como entidade segue cos motores en marcha, e non queriamos deixar de ofrecer a oportunidade aos nenos e nenas de sexto de colaborar na biblioteca. Unha oportunidade que empodera a este alumnado, ofrécelle coñecementos específicos e sobre todo favorece a súa inclusión na organización de tarefas varias, iniciándonos en propostas de aprendizaxe servizo que serán moi valiosas para as súas vidas. 

Polo que puxemos en marcha o programa igualmente, porque colaboración séguese e seguirase precisando. Esta semana foi a estrea dos equipos, que funcionan por grupo burbulla igual que no resto de actividades do centro. E comezaron traballando en dúas liñas fundamentalmente.

Por un lado, a colaboración na montaxe e recolocación dos mobles da biblioteca, tarefa coa que temos traballo para unha boa tempada:

E por outro a montaxe dos robots cedidos ao centro no marco do proxecto Biblioteca Creativa, no que fomos seleccionados este ano.

Demostraron estar moi a altura en ambas tarefas, polo que lle agradecemos moitísimo a súa colaboración.

GRAZAS COLABORADOR@S!!

Sodes persoal imprescindible da biblio 💥💫

OBXECTIVOS AXENDA 2030 da ONU

aos que contribúe esta iniciativa:

OBXECTIVOS DA AXENDA 2030 DA ONU

 

Os Obxectivos de Desarrollo Sostible, también conocidos polas súas siglas ODS, son una iniciativa impulsada por Naciones Unidas para dar continuidade á axenda de desenvolvemento, e consisten en instar a todos os países, xa sexan ricos, pobres ou de ingresos medios, a adoptar medidas para promover a prosperidad ao tempo que protexen o planeta.

Promoven os derechos da infancia e supoñen unha oportunidade para protexer a todos los nenos e nenas baixo a consigna de non deixar a ningúen atrás. 

En España, entre outras medidas, o Consello de Cooperación Bibliotecaria determinou a través de un estudo que as bibliotecas en xeral e as escolares en particular non só podemos contribuir ao seu desenvolvemento, senón que xa o facemos habitualmente a través do seu funcionamento e das propostas que dende a mesmas se lanzan á comunidade.

É por iso, que dende Bibliotecas Escolares de Galicia nos convidan a visibilizar esa contribución a través da inclusión dos iconos dos distintos obxectivos aos que contribuén as distintas propostas. Así que fixádevos ben, porque a partir de agora poderedes ver estas iconas nas entradas do blogue. 

Por suposto estaría xenial que todas as persoas pensásemos que está na nosa man para contribuir tamén a eses obxectivos. Seguro que xa estamos a contribuír con moitas accións nas nosas vida, pero seguro que podemos mellorar outras para que a nosa contribución sexa maior.

PRESENTACIÓN DO PROXECTO DE CENTRO

NOVEMBRO, MES DA CIENCIA EN GALEGO NAS BIBLIOTECAS

 ... chámase ciencia e é unha das ferramentas máis poderosas que desenvolvemos os seres humanos para tratar de comprender como está organizado e como funciona o mundo. Xurxo Mariño Alfonso

NOVEMBRO, mes da ciencia en galego nas Bibliotecas. Pois imos alá! Entramos no laboratorio e a experimentar, para divertirnos, coñecer, interpretar e divertirnos!

Dende a biblio propoñémosvos desta volta que busquedes gafas e bata para convertirvos en auténticos científicos e científicas. Premendo na imaxe que vos deixamos a continuación accederedes a unha proposta de realización de experimentos e posta en práctica do método científico.

Se vos apetece podedes enviarnos a bibliooutes@gmail.com algunha foto da experiencia e serán publicadas no blogue. ANIMÁDEVOS!

Deixámosvos tamén o enlace ao manifesto que fixo Xurxo Mariño con este motivo. 

A EXPERIMENTAR!

SEMANA DA ALFABETIZACIÓN MEDIÁTICA E INFORMACIONAL

Esta é unha semana que ven para visibilizar a importancia de aprender a tratar a información e a coñecer os medios, nunha sociedade cada vez máis dominada pola cantidade de información á que temos acceso.

A Alfabetización Informacional e Mediática contemplase como un dereito dos e das cidadáns. E nós, para cumplir con ese dereito, ademais do traballo que levamos a cabo día a día nas aulas, queremos aportar dende a biblio unha selección de recursos sobre algúns apuntes valiosos neste sentido para alumnado, familias e profesorado. 

PINCHADE NESTE ENLACE PARA ACCEDER Á PÁXINA 

QUE QUEDARÁ A DISPOSICIÓN NA BARRA SUPERIOR

OBXECTIVOS AXENDA 2030 da ONU

aos que contribúe esta iniciativa:

moito maxín, no samaín!

Emocionante xornada de Samaín, a la par que sanitariamente segura,  no CEIP Plurilingüe de Outes!

Decoración de cabazas, visionado de curtas, lectura de relatos... e ENTERRO DOS MEDOS! Medos fóra!

As familias tamén colaboraron nesta festa que puideron disfrutar tanto no cole como nas casas, nas que compartiron un tempo estupendo esculpindo e decorando as súas cabazas. Moitas grazas pola colaboración familias! E moitas grazas tamén á ANPA do cole que aportou as cabazas para decorar nas clases 😊.

Coas fotos das mesmas e as das clases, o Equipo de Actividades Complementarias e Extraescolares montou este vídeo que agardamos disfrutedes case tanto como disfrutáchedes con esta actividade tan típica do Samaín. 

Por outra banda, dende a biblio pediuse tamén aos nenos e nenas que enviaran os seus relatos... POIS XA ESTÁN AQUÍ!!! @s nos@s pequenos escritores e escritoras puxéronse mans á obra e hoxe publicamos tamén a escolma dos "RELATOS DE SAMAÍN".

INFO SÓ APTA PARA ORDENADORES, EN MÓVILES E TABLETS SEN AMBIENTACIÓN MUSICAL 🙉: Deixámosvos un vídeo que podedes accionar por se vos apetece ambientar con música as vosas lecturas. Dádelle ao play no vídeo e despois premede nos 3 puntos da presentación para desplegar un menú no que poderedes ampliala a pantalla completa. 

NOTA: son moitos os relatos recibidos e as fotos das cabazas... A edición do vídeo está pechada, pero en canto aos relatos, se botades en falta algún poñédevos en contacto con bibliooutes@gmail.com para buscalo e incluílo. Grazas pola vosa comprensión 😉

XA SÓ VOS QUEDA DESFRUTAR DAS LECTURAS!

NON PASEDES MOITO MEDO!!

FORMACIÓN BIBLIOTECAS CREATIVAS

 O luns 26 e o martes 27 estivemos formación do programa "Biblioteca Creativa" no que acabamos de entrar. 

Na primeira sesión montamos o noso primeiro escornabot coa intención de guiar no proceso de montaxe dos outros tres recibidos. Ademais, nesa formación recibimos tamén as ferramentas precisas para a dita montaxe e dous libros relacionados con esta liña de traballo. 

Este é o kit de “bibliotecas creativas” para comezar a fedellar coa robótica! O primeiro será enfrentarse a tornillería e soldadura cos 3 robots pendentes de montaxe. A partir de aí exploraremos todas as posibilidades de traballo creativo e tecnolóxico, a la par que curricular, que ven da man destes novos pequenos amig@s!

Na sesión do martes falamos de multialfabetizacións, do fomento da igualdade a través da competencia dixital, de impresión 3D, de recursos técnicos... e dunha chea de cousas máis que guiarán a nosa práctica. CANTO IMOS APRENDER!!

PREPARÁDEVOS QUE VEÑEN CURVAS!!

OBXECTIVOS AXENDA 2030 da ONU

aos que contribúe esta iniciativa:

24 DE OUTUBRO, 2020. Un "DÍA DAS BIBLIOTECAS" especial

As bibliotecas son lugares que promoven o acceso á cultura, o coñecemento e o entretemento, e cumplen esta función poñendo o acceso a recursos e asesoramento ao alcance de tod@s.

Se esta data é un día moi especial para as bibliotecas, éste de 2020, coas circuntancias que estamos a vivir é aínda máis especial se cabe. 

Cada 24 de outubro lévase a cabo un traballo de visibilización da biblioteca como espazo e como servizo, e este ano queremos dicirvos que seguimos aquí. Desta volta quizáis no espazo virtual, pero coas mesmas gañas e forza que sempre. 

Este lugar no que estades a ler estas palabras é o BLOGUE DA BIBLIO, e dende aquí poñeremos á vosa disposición recursos diversos relacionados con eses tres eixos dos que comezabamos falando: cultura, coñecemento e entretemento.

De algúns xa podedes disfrutar accedendo aos enlaces da barra debaixo do título. Outros irán aparecendo. E SEMPRE estaremos dispost@s a escoitar novas propostas que botedes en falta. 

Así que PARTICIPADE! 

Construamos xunt@s, entre tod@s, 

a NOSA BIBLIOTECA!

Deixámosvos un pequeno xogo  no que precisaredes facer búsquedas polo blogue para familiarizarse co seu contido. Agardamos que o disfrutedes!

PREMIOS ASTRID LINDGREN

 
Os premios de Literatura Infantil e Xuvenil que levan o nome da famosa escritora de Pippi Calzaslargas ven de facer pública a súa lista de nominad@s . 

E entre as 263 candidaturas de 69 países distintos, atopámonos coa candidatura ás Bibliotecas Escolares de Galicia e a Paula Carballeira. Dúas candidaturas galegas entre as cinco españolas. 

Unha candidatura moi merecida pola que dende a nosa biblio queremos darlle a noraboa!